Faiz Ahmed Faiz wrote this in Ayub Khan’s Martial Law and it is still valid for today.
One of the most inspiring poem and probably one of the most lasting. hum dekhaingai
lazim hai ke hum bhi dekhaingai
hum dekhaingai
woh din ke jis ka wada hai…hum dekhaingai
jo loh-e-azal pe likha hai…hum dekhiangai
jab zulm-o-sitam ke kooh-e-garan,
rooyi ki tarah u’dh jayengai
hum mehkoomon ke paoon tale,
yeh dharti gha’dh gha’dh gha’dhke gi
aur ahl-e-hakam ke saron per,
jab bijli ka’dh ka’dh ka’dhke gi
hum dekhaingai
lazim hai ke hum bhi dekhaingai
hum dekhaingai
jab arz-e-khuda ke kaabe sai,
sab butt uthwaye jayengai
hum ahl-e-safa mardood-e-haram,
masnad pe bithaaye jayengai
sab taj uchhale jayengai,
sab takhat giray jayengai
hum dekhaingai
lazim hai ke hum bhi dekhaingai
hum dekhaingai
bas naam rahe ga Allah ka
jo gayab bhi hai hazir bhi
jo manzar bhi hai nazir bhi
uthe ga anal haq ka na’ra
jo main bhi hoon aur tum bhi ho
aur raaj kare gi khalq-e-khuda
jo main bhi hoon aur tum bhi ho
hum dekhaingai
lazim hai ke hum bhi dekhainge
hum dekhainge
woh din ke jis ka wada hai…hum dekhainge
jo loh-e-azal pe likha hai…hum dekhiange
HUM INSHAALLAH JALD HI DEKHAINGAI…….
